🌷🌷🌷کلام شمس فقیر علیہ رحمہ 🌷🌷🌷
أتی روز وۄنۍ بوز سوز ییٚتی لو لٔتی لو
رۄے ہاو مَے کر ژھایہِ گِتی لو لٔتی لو
معشوقہٕ عاشق کٔرِتَھکھ مٔتی ژھایہِ تھووتَھکھ رۆۓ
چھی دوٗرِ ہران نوٗرٕ فٔتی لو لٔتی لو
کامکہٕ وُچھمَکھ شامہٕ پٔتی دامہٕ لأجتَھس بو
چھی مارِ سیاه مار کٔھتی لو لٔتی لو
تَس کامہٕ دیٖوس جامہٕ چٔھتی لچھ تہٕ سامانو
گٔنزراوٕ کیٛا أنزرأوۍ مٕتی لو لٔتی لو
اَتھ رنگہٕ مندورِ ہَنگ چِھ رٔتی سنگ تہٕ گنیانو
شِنیایہِ کٕنۍ دارِ بر چِھ ؤتِھی لو لٔتی لو
دَمہٕ دَمہٕ دَمن دَم مےٚ ہیٚتی گوم یکسانو
نؠرمل مُدوَر پیٛوم أتی لو لٔتۍ لو
طُریا سۄشپھ زاگرتی دوٚپنہٕ کر زانو
شؔمس فقیرو غم کھےٚ أتی لو لٔتی لو
No comments:
Post a Comment