🙏سیدنا ابوبکر صدیق رضئ اللہ تعالےٰ عنہُ🙏
🌹🌹علامہ ڈاکٹر اقبال علیہ رحمہ🌹🌹
اک دن رسولِ پاکﷺ نے اصحاب سے کہا
دیں مال راہ حق میں جو ہوں تم میں مالدار
ارشاد سن کے فرط طرب سے عمر اٹھے
اس روز ان کے پاس تھے درہم کئی ہزار
دل میں یہ کہہ رہے تھے کہ صدیق سے ضرور
بڑھ کر رکھے گا آج قدم میرا راہوار
لائے غرضکہ مال رسول امیںﷺ کے پاس
ایثار کی ہے دستِ نگر ابتدائےِ کار
پوچھا حضور سرورِ عالمﷺ نے، اے عمر!
اے وہ کہ جوش حق سے ترے دل کو ہے قرار
رکھا ہے کچھ عیال کی خاطر بھی تو نے کیا؟
مسلم ہے اپنے خویش و اقارب کا حق گزار
کی عرض نصف مال ہے فرزند و زن کا حق
باقی جو ہے وہ ملتِ بیضا پہ ہے نثار
اتنے میں وہ رفیقِ نبوتﷺ بھی آگیا
جس سے بنائےِ عشق و محبت ہے استوار
لے آیا اپنے ساتھ وہ مرد وفا سرشت
ہر چیز، جس سے چشمِ جہاں میں ہو اعتبار
ملک یمین و درہم و دینار و رخت و جنس
اسپِ قمر سم و شتر و قاطر و حمار
بولے حضورﷺ، چاہئے فکرِ عیال بھی
کہنے لگا وہ عشق و محبت کا راز دار
اے تجھ سے دیدئہ مہ و انجم فروغ گیر!
اے تیری ذات باعثِ تکوین روزگار!
پروانے کو چراغ ہے، بلبل کو پھول بس
صدیق کے لئے ہے خدا کا رسولﷺ بس
No comments:
Post a Comment