🙏کلام لسہ خان فدا علیہ رحمہ🙏
ہمہ جا روشن ثمَ وَجھو
لیس الھادی الا ھو
دمہ دمہ آدم بادم چھو
لیس الھادی الا ھو
چُھنہ غیر ثابت کُنہ مُطلق
اَنت الھادی انت الحق
کَنہ بوز قران وَالنفختو
لیس الھادی الا ھو
کثرتِ کائنات تہنزئ شان
حسرت ترآوتھ وحدت زان
مسرتِ دل بنی حآصل سو
لیس الھادی الا ھو
مَن عرفَ بوزِتھ بن خبردار
وَن بکون و مکان کُس چُھ دیّار
سن تہ اسرارس تراو من و تو
لیس الھادی الا ھو
گۆرہ نِشہ ہرہ سُند بوزکھ پۓ
ذرہ ذرہ میلتھ در کُلَ شۓ
سرہ کر قبلَ اَنتَ موتو
لیس الھادی الا ھو
صائمُ الدّھرس من بیدار
دائمُ الذِکرس میول با یار
قائم انبیاء اکھ لچھ ژۆوو
لیس الھادی الا ھو
خانہ گژِھہ روشن بانہ کر پاک
دانہ ادہ شانہ کڈِہ بر افلاک
پانہ وُچھ آئینس کانہہ نہ تس ہیو
لیس الھادی الا ھو
سَر وَفی اَنفُسِکُم آیت
در حرم وارٕ وُچھۍ ننۍ رویت
بر درے رہنما کر فدا زو
لیس الھادی الا ھو
No comments:
Post a Comment