🌹 کلامِ شاہ قلندر علیہ رحمہ 🌹
ازلن بۆ اۆن سٕہ لَئے
مؠہ چھم دیوانہ گیئے
وچھان لوسم مؠہ لٕئے
مؠہ چھم دیوانہ گیئے
یِتم بؠہہ تَم مندورے
ززُر ژام پوشہ تھرے
مؠہ چُھم یار لوٗکہ گھرے
مؠہ چھم دیوانہ گیئے
زُلف زن چِھس اویزان
رۆخس سیتۍ چھکھ نہ کانہہ زان
پَسِ سر چُھس پریشان
مؠہ چھم دیوانہ گیئے
ہٹِہ کۄئ چُھس ہۆنزوٗرئ
کران چُھم گوٗرہ گوٗرئ
سِتم چُھم یارہ دوٗرئ
مؠہ چھم دیوانہ گیئے
یِمۓ دوٗر تِم چِھ کَنن
کنَو تٕلۍ گراوہ ونَن
رۆخن کُن بوسہ اَنن
مؠہ چھم دیوانہ گیئے
یِمۓ دوٗر تِم چِھ فدا
تِمن تتھ منز چُھ مدعا
چِھ یٔژ نزدیک گُمراہ
مؠہ چھم دیوانہ گیئے
چُھ معشوق وۆندسئ منز
بمعہ سامانہ تۓ سنز
چُھ دل دۆن عالمن منز
مؠہ چھم دیوانہ گیئے
قلندر دل شکستم
بہ زنجیرے تو بستم
ز جامے شوق مستم
مؠہ چھم دیوانہ گیئے
No comments:
Post a Comment